شروط الضامن باش تكمل قرايتك فبلجيكا | Les conditions du garant pour étudier en Belgique
شنو هو "Engagement de prise en charge" فبلجيكا؟
إيلا بغيتي تزور بلجيكا لمدة قصيرة (أقل من 90 يوم فواحد 180 يوم) سواء للسياحة، لزيارة عائلية ولا لأي غرض آخر، خاصك تورّي عندك الوسائل المالية الكافية باش تغطي المصاريف ديالك.
إيلا ما عندكش هاد الإمكانيات، كاين واحد الحل اللي هو التزام الكفالة أو بالفرنسية Engagement de prise en charge.
شنو كيعني التزام الكفالة؟
- هو واحد الوثيقة كيمضيها شخص مقيم فبلجيكا (يا إما بلجيكي أو عندو إقامة قانونية دائمة)، كيتكلف فيها بالمصاريف ديالك خلال المدة اللي غادي تبقى فيها.
- هاد الالتزام كيغطي: المصاريف ديال السكن، العلاج، وحتى الرجوع لبلادك إيلا الدولة صرفات عليك شي حاجة.
- الوثيقة كتبرهن للسلطات أن عندك "الوسائل الكافية للعيش" حتى إيلا الفلوس ماشي عندك انت.
شكون يقدر يكون الكفيل؟
- أي شخص عايش فبلجيكا قانوني (بلجيكي ولا عندو كارت إقامة دائمة).
- خاصو يكون عندو مدخول قاري وكافي ومصرح به فالضرائب.
- مهم: الكفيل خاصو يكون مسجل فالسجلات ديال السكان، باش الدولة تقدر تطالبو بالمصاريف إيلا وقع مشكل.
شحال خاص يكون عند الكفيل من مدخول؟
- القاعدة: الكفيل خاصو يبرهن أن دخلو الشهري كيساوي على الأقل %120 من الدخل الاجتماعي الأدنى.
- ابتداءً من 1 فبراير 2025: خاصو يكون عندو على الأقل 2131,28 يورو صافي فالشهر (إيلا كايتكلف بشخص واحد).
إيلا غادي يكفل أكثر من واحد: كيزيد تقريباً النصف لكل شخص إضافي.
- جوج أشخاص = 3196,92 يورو
- ثلاثة أشخاص = 4262,56 يورو
شنو هي الوثائق اللي خاصها؟
- تعمّر الفورمولير الخاص بالالتزام (واضح، بلا تصحيحات).
- الكفيل يوقع ويصدق التوقيع فـ البلدية ديالو.
- يقدّم أوراق الدخل: بحال 3 ورقات ديال السالير الأخير ولا أوراق اللي كيبينو الدخل القار.
- منين يقبلوها فـ Office des étrangers، الكفيل يبعث النسخة الأصلية للزائر باش يستعملها فطلب الفيزا.
نقاط مهمة
- الالتزام صالح غير لـ 6 شهور من بعد التصديق.
- الكفيل والزائر مسؤولين مع بعضياتهم على المصاريف لمدة عامين من بعد دخول بلجيكا.
- ما كيتحسبوش بعض المداخيل بحال: المساعدات الاجتماعية ولا بعض المنح.
الخلاصة
التزام الكفيل هو واحد الحل مهم للناس اللي ما قادراش تورّي أنها عندها فلوس كافية باش تدخل بلجيكا.
إيلا كنتي باغي تستعمل هاد الطريقة، خاصك تجهّز الوراق بكري وتتأكد أن الكفيل ديالك مستوفي جميع الشروط.